Des mintiries, en picard

Après cette élection municipale partielle essignyacoise (à retrouver ici), le Journal de Saint-Quentin reproduit un courrier, en picard, fort probablement fictif dans la lutte opposant modérés et socialistes et accusant le Journal Combat de mensonges (mintiries) tout comme Ballet accusé d'être ingrat envers ses camarades et de semer la zizanie.

Mossieu èche rédacteu,

Comme èje rentroi hier ède débocté du fién, èje rinconte Alfred qui m’dit : A-tu ch ou quél Combat i disoi suss élection ède dimanche pasé ; nan, qu’èje li répon, thin èle vla, télira à tin tan, j’erbai mé main, mé tou de suite j’erpense èque j’ène peu èque les salir, èje ravise don aussitôt rintré apré éche l’artique, et quoi, j’aperçoi 6 pove tiote line pour dère acque MM. Hoquet et Cadot, il avon 53 epi 50 voix.  E ben, min pove Guillaume, voi-tu l’ingratitude ède tin camarade Ballet, i n’a seulemén pon daingné restai aveu ti pour ète soutenir dimanche passai, ine veu meume pon dire acque l’a eu 41 voix (il aime cor miu Wattissé parche il y  a consacré 2 colonnes ède journal) pourtant si m’avoi toujours acoutai, mi tin viu camarade, ète seroi cor ache kmin de fer, épi no poron cor boire ine chope épi un bon tiot pot come da le temps, tandi qu’ajord’hui ché ni ni fini, si sourmént cha povoi servir d’exempe ale zeutes, èje t’in pri, si tu veu renne service à tes camarades, dis ieu d’ène pu acoutai les mentiries acque Ballet epi el zeute il viétent vo dère, et si veu plai il on cor l’eudace ède troité lé zeutes ède menteu èje lisoi aine lette adressai ache rédacteu d’ech Chinquintinois qu’ain il rproche éque les artique ède sin journal i son dénué ède toute vérité épi qui  né bon qua dénaturai ché zécrits ; crois-tu qu’éche ti qu(il écrit da èle Combat il dit toujours la véritai ? A preuve Eli Fleury il a bien prouvai à Ringuier qu’il avoit dit aine mintirie quate sur èle Combat ède saimdi dergnié il disoit qu’il avoi vu èle bon Diu ataqué sur aine croix blanque ache usine du Catheu (il est vrai qu’ine faisoit pon clair, mé aine eute foi mettait vos leunettes) épi prenne chou ecque no conaisson y gné na ti  pon un qu’il a racontésur éche journal di n’a 8 jour, ecque ches pompiers éde Fiulaine y nétén pu bien aveu leu sous-lieutenant, qu’éche sergent-major il avoit mené ses hommes à veupes éle jour d’èle Sainte-Barbee malgré ses ordes (qui inter parenthèse ché min grand ami epi qu’éje li su sin fidèle ett bon client) j’éle la edmandé hier si chétoi vrai.

Il m’a répondu qui m’otorisoit à dère qui n’avoi rien du tout  ède vrai, qu’il étoi ardimént bien aveu ses hommes, ecque si i n’avoit poté avec eux ache l’église épi ache erpas, chétoi à keuse d’un onques qu’il étoit mort 15 jours edvant, maintenant qu’il étoit ardiment bien ossi aveu sin sergent-major, mé il feu vo dère ecque chét un home eche ti là j’èle connoi, car si bien adversaire ecque partisans politique y saite apprécié ses qualité, et si éche l’auteur édle artique y voloi vir si ché un bien merle, y n’éroi qua allé èle vir, y voiroi qu’il est si bien da le cas ède rimplir les fonctions de 1^er magistrat qu’éche ti qu’ain met dache coin tout amanché par drière no porte, tu vois min pove Guillaume qu’inne feu pu croire tout chou qu’igné na da le Combat non pu, parche si ain faisoi cor un concours ède minteu à Essigny, eje croi qu’à l’unanimité éche 1^er prix cha servi pour ches correspondants du Combat.

Recevai, monssieu èle rédacteur, mes salutations.

ET DI VRAI

Source : Le journal de Saint-Quentin - janvier 1904 - Bibliothèque municipale de Saint-Quentin.

Le correcteur orthographique ne connaissant pas le picard s'est affolé entre les mots régionaux et les erreurs orthographiques du texte.